BLITAR - Kangge panjenengan sing pengin gaya nggo mobil gagah nanging budget-e pas-pasan, iki wektune lirik mobil Amrik. Memasuki pertengahan tahun 2024 iki, harga Ford EcoSport bekas ning wilayah Blitar lan sekitare jebul wis mudun drastis. Mobil sing mbiyen pas metu tahun 2014 regone tembus Rp 240 jutaan, saiki tipe tertingginya yaiku Titanium wis bisa digawa mulih mung modal Rp 100 jutaan cilik wae.
Mudune harga Ford EcoSport bekas iki pancen dadi omongan seru ning kalangan pecinta otomotif. Malah kanggo tipe ngisore kaya tipe Trend, regone wis ana sing dodol ning angka sak ngisore Rp 100 juta. Senajan Ford wis ora duwe pabrik resmi ning Indonesia wiwit 2016, nanging masalah onderdil lan bengkel spesialis ning Jawa Timur isih gampang ditemokake, dadi panjenengan ora perlu kuatir banget.
Yen dibandingne karo mobil anyar kelas LCGC, harga Ford EcoSport bekas iki pancen menang adoh masalah fitur. Kanthi rego sing podo, panjenengan wis entuk mobil sing duwe sunroof, fitur perintah swara (voice command), nganti urusan keamanan sing komplit banget. Cocok banget kanggo wong Blitar sing seneng touring utawa sekadar gaya ning kutha.
Tampilan Gagah Ala Crossover Sejati
Ford EcoSport iki duwe ciri khas SUV Amrik sing ketok "macho". Sing paling ketok mliplis yaiku ban serep sing nempel ning lawang mburi utawa sering diarani "ban konde". Ground clearance-e dhuwur, dadi aman banget yen digawe nerjang dalan sing ora rata utawa munggah-mudhun ning daerah pegunungan. Interior-e wis nggunakake jok kulit sing empuk lan desain dasbor sing modern banget.
Mesin Responsif lan Transmisi Canggih
Urusan dapur pacu, EcoSport nggunakake mesin 1.500 cc sing lincah. Sing dadi andalane yaiku transmisi DCT (Dual Clutch Transmission). Teknologi iki nggawe pindah gigi krasa cepet banget lan ora telat, apamaneh yen digawe mlayu ning dalan tol. Senajan rada "tricky" yen ketemu macet, nanging yen wis mlaku, penake ora umum dibanding mobil Jepang sekelas-e.
Tips Supaya Ora Salah Pilih
Jenenge tuku mobil bekas, apamaneh mobil "brand" luar, panjenengan kudu teliti. Sing paling utama kudu dicek yaiku bagian TCM (Transmission Control Module) lan kopling gandane. Priksa bener-bener riwayat servise lan pastikan bagean transmisi wis tau diresiki supaya ora mbrebet utawa nyendat-nyendat pas digawe mlaku.
Kanggo panjenengan sing golek mobil sing nyaman, fiture mewah, nanging regone miring, mriksa daftar harga Ford EcoSport bekas saiki dadi pilihan sing paling pas. Kanthi modal irit, panjenengan wis bisa ngrasakake sensasi nyetir SUV Amrik sing tangguh lan berkelas!
Editor : Saifullah Muhammad Jafar